АНУ-ын Конгрессын тэргүүн мягмар гарагийн орой Тайваньд айлчилсан нь дэлхий нийтэд халуун сэдэв болж байна. Олон улсын нөхцөл байдал хурцадмал байгаа үед Тайбэй дахь Улаанбаатарын Худалдаа эдийн засгийн төлөөлөгчийн газраас Тайваньд ажиллаж амьдарч сурч байгаа монгол иргэдийг яаралтай бүртгэх ажлыг зохион байгуулж эхэлжээ. Тайваньд Монголын 460 орчим иргэн албан ёсны зөвшөөрөлтэйгөөр оршин сууж буйн дийлэнх нь их дээд сургуульд суралцаж буй оюутнууд байна.
ГХЯ-ны зүгээс Тайбэй дахь төлөөлөгчийн газраар дамжуулан иргэдтэй тогтмол холбоотой байгаа бөгөөд нөхцөл байдал хүндэрвэл онцгой байдлын үед ажиллах төлөвлөгөө, журмын дагуу ажиллахаа мэдэгдлээ.
Сэтгэгдэл үлдээх