Япон улсын аялал жуулчлалын томоохон компани “Ниппон Трэйвэл”-ийн төлөөлөгчид Монгол Улсад айлчилж байна. Тус компанийн бие төлөөлөгч Конобү Абэ тэргүүтэй төлөөлөгчдийг БОАЖ-ын сайд Б.Бат-Эрдэнэ хүлээн авч уулзав. Тэрээр өнгөрсөн 5 дугаар сард Япон улсад албан айлчлал хийх үеэр 117 жилийн түүхтэй “Ниппон Трэйвэл” ХХК-ийн удирдлагуудтай уулзаж, тус компанитай хоёр орны хооронд аялал жуулчлалын чиглэлээр хамтран ажиллахаар болсон юм.
Тодруулбал, аялал жуулчлалын салбарт шинэ гарц, бүтээгдэхүүн үйлчилгээг бий болгох, Японы жуулчдад зориулсан аялал жуулчлалын төвлөрсөн шинэ маршрут, стандарт гаргах талаар санал солилцсон юм. Японд болсон уулзалтын үр дүнд тус компанийн бие төлөөлөл Монгол Улсад айлчилж буй талаар БОАЖЯ-наас мэдээллээ.
Сэтгэгдэл үлдээх