Сэлэнгэ аймгийн Орхонтуул сумын 1 дүгээр багийн Рашаант тосгонд 14 настай хүү М Орхон голд осолдсон байж болзошгүй тусламж хэрэгтэй байна гэсэн дуудлагыг Цагдаагийн байгууллагаас зургаадугаар сарын 15-ны 08:28 цагт өгчээ.
Тус аймгийн Онцгой байдлын газрын Гал түймэр унтраах, аврах 61 дүгээр ангийн алба хаагчид, Эрэн хайх, аврах анги, Цагдаагийн хэсгийн алба хаагчид, сумын Засаг даргын Тамгын газрын ажилтнууд, орон нутгийн иргэд хүүг Рашаант тосгоны Цуу тайж гэдэг газраас урагш 17 км-т Орхон голоор завиар урсаж, гурван метрийн гүнд зургаан удаа шумбаж эрэн хайсан байна.
Мөн голын эргээр автомашинтай болон явганаар эрэн хайх ажиллагааг зохион байгуулж үр дүнд хүрээгүй тул эрлийг мөн өдрийн 22.25 цагт түр зогсоож, 16-ны 06:00 цагт эрлийг эхлүүлсэн хэмээн ОБЕГ-аас мэдээлэв.
Сэтгэгдэл үлдээх