БШУ-ы сайд Л.Энх-Амгалан 2022-2023 оны хичээлийн жилд сургуулийн өмнөх насны хүүхдүүдийг цэцэрлэгт бүрэн хамруулж, багачуудыг сугалаагүйгээр цэцэрлэгт хамруулах боломж бүрдүүлнэ хэмээсэн.
Тэрбээр, Ирэх хичээлийн жилд улсын хэмжээнд 241 мянган хүүхэд хамрагдах ерөнхий төсөөлөл гарсан. Үүнээс нийслэлд 2-5 насны 141 мянган хүүхэд нийслэлд байгаагийн 106 мянга нь цэцэрлэгт хамрагдах боломжтой байна. Бусад нь цэцэрлэгийн гадна үлддэг учир сугалаагаар цэцэрлэгт хамруулах зохицуулалтыг гаргасантай холбоотой авлигын асуудал үүсдэг.
Тиймээс энэ жилээс эхлэн хүүхдийн хамран сурах тойрогт нь цэцэрлэгт хамруулахаар төлөвлөж, тухайн тойрог дахь төрийн болон төрийн бус өмчийн цэцэрлэг, хүүхэд харах үйлчилгээний байгууллагуудыг бүртгэлд хамруулж байна” хэмээн мэдээлсэн.
Энэ бодлогын хүрээнд БШУЯ-нд Түрээсийн ажлын хэсэг байгуулжээ. Тус ажлын хэсгийнхэн цэцэрлэгийн зориулалтаар ашиглах боломжтой байрыг түрээслүүлэх саналыг 2022 оны долоодугаар сарын 25-наас наймдугаар сарын 05-ны хооронд хүлээн авч байна. Иргэн, ААН-үүд цэцэрлэгийн зориулалтаар ашиглах боломжтой байрыг санал болгох бол харьяа дүүргийнхээ Боловсролын хэлтэст албан хүсэлтээр гаргахыг БШУЯ-наас санууллаа.
10/12
Эдийн засаг
Гаалийн байгууллага он гарсаар 5.7 их наяд төгрөгийг төсөвт төвлөрүүлжээ
Сэтгэгдэл үлдээх