Үндэсний их баяр наадмыг угтсан уламжлалт “Наадам экспо” үзэсгэлэн-худалдаа “Мишээл экспо”-д өнөөдөр нээгдлээ. Үндэсний үйлдвэрлэлийг дэмжих, шинээр гарч буй ААН-ийн бүтээгэхүүнийг зах зээлд таниулан сурталчлах, иргэд наадмын бэлтгэлээ нэг дороос бүрдүүлэх зорилготой уг үзэсгэлэн-худалдаа 5 өдөр үргэлжлэх аж.
“Наадам экспо” үзэсгэлэн-худалдаагаар үндэсний хувцас, гоёл чимэглэл, мөн аяллын хэрэгсэл борлуулж, урлагийн тоглолт, залуучуудын дунд уламжлалт наадгайн тэмцээн зэрэг наадамчин олонд зориулсан олон сонирхолтой үйл ажиллагаа, хөтөлбөр бэлджээ. Тодруулбал, үзэсгэлэн-худалдааг зорьж ирсэн хүмүүс 800 жилийн өмнөх Хархорум хотоор виртуал орчинд аялах боломжийг бүрдүүлжээ. Үзэсгэлэн-худалдаагаар 50 мянган төгрөгөөс дээш хэмжээний бараа худалдан авбал сугалаанд оролцох эрхтэй, Монгол орны үзэсгэлэнт байгальд аялах азтанг тодруулах аж.
Сэтгэгдэл үлдээх