Цар тахлын хууль өнгөрсөн 2020 онд батлагдаж, уг хулуийн дагуу сонгон шалгаруулалт зарлахгүйгээр төрийн албаны томилогоо хийгдэж эхэлсэн юм. Харин Цар тахлын хуулийн хэрэгжих хугацаа хоёр жил үргэлжилж, өнгөрөгч оны арванхоёрдугаар сарын 31-ны өдрөөр дуусгавар болсон.
Ингэснээр сонгон шалгаруулалтгүй томилогдсон долоон Төрийн нарийн бичгийн даргыг энэ долоо хоногийн Засгийн газрын хуралдаанаар чөлөөлөхөөр болжээ.
ЗГХЭГ-ын дарга Д.Амарбаясгалангийн хэлснээр “одоогийн байдлаар долоон төрийн нарийн бичгийн дарга, 11 агентлагийн дарга Засгийн газрын томилгоотой байгаа. Гэхдээ энэ нь түр томилгоо. Цар тахлын хуулиар түр томилгоотой бол нэгдүгээрт чөлөөлөгдөнө, хоёрдугаарт төрийн албаны шалгалтдаа тэнцсэн, ажлын байрны шаардлага хангаж буй бол эргэн ажиллах боломжтой” гэжээ.
Цар тахлын хуулиар 1609 хүнийг сонгон шалгаруулалтгүйгээр томилсон байна. Харин хуулийн хугацаа дууссан учраас дээрх албан тушаалтнууд чөлөөлөгдөх ёстой юм.
Сэтгэгдэл үлдээх