Сар шинийн баярын өдрүүдэд орон нутагт зорчих хөдөлгөөн нэмэгддэг.
Иймд замын хөдөлгөөний дүрмээ баримталж, хурдаа тохируулан явахыг Тээврийн Цагдаагийн Албанаас зөвлөж байна. Мөн олон улсын болон улсын чанартай авто замуудад хөдөлгөөнт эргүүлийн автомашинтай алба хаагчдыг хуваарийн дагуу өдөр бүр хяналт шалгалтаар ажиллуулж байгаа юм.
Хяналт шалгалтаар
- хурд хэтрүүлэх,
- согтуугаар тээврийн хэрэгсэл жолоодох,
- жолоодох эрхгүй хүнд жолоогоо шилжүүлэх,
- гэрэлтүүлэх хэрэгсэл бүрэн асахгүй эвдрэл гэмтэлтэй тээврийн хэрэгсэл жолоодож замын хөдөлгөөнд оролцох зөрчил их бүртгэгджээ.
Орон нутгийн замд зөвшөөрөгдөх хурдны дээд хязгаар 80 км/цаг байдаг. Учир нь уг хязгаараас дээш хурдтай яваа автомашин осолд ороход доторх хүмүүс амьд үлдэх магадлал 20 хувиас бага байдаг гэдгийг ТЦА-аас мэдээлэв.
Сэтгэгдэл үлдээх