Тээврийн цагдаагийн албаны Жижүүрийн шуурхай удирдлагын төвд өнгөрсөн амралтын өдрүүдэд зам тээврийн ослын шинжтэй 381 дуудлага мэдээлэл бүртгэгджээ.
Бүртгэгдсэн зам тээврийн ослын улмаас Нийслэлд 11 хүн, Орон нутагт 13 хүн гэмтэж бэртэж нийт 24 хүн гэмтэж бэртэж, нийт зургаан хүний амь хохирчээ.
Гудамж замд зохион байгуулсан хяналт, шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 218 зөрчлийг илрүүлж, учирч болох эрсдэлээс урьдчилан сэргийлж ажиллав.
Энэ оны эхний 7 сарын байдлаар улсын хэмжээнд хүүхэд өртсөн осол 387 бүртгэгдсэнээс 40 хүүхдийн амь хохирч 396 хүүхэд гэмтсэн байна.
Хичээлийн шинэ жил эхлэх болсонтой холбогдуулан орон нутгаас нийслэлийг зорих иргэдийн хөдөлгөөний эрчим нэмэгдэж байгаа. Иймд орон нутгийн замд зорчихдоо хамгаалах бүх хамгаалалтын хэрэгслийг стандартын дагуу зүүж хэвших, бага насны хүүхдийг тээврийн хэрэгсэл дотор зориулалтын суудалд харгалзах хүнтэй хамт зорчуулахыг анхааруулж байна.
Эх сурвалж: Тээврийн цагдаагийн алба
Сэтгэгдэл үлдээх