Манай улс АНУ, ХБНГУ, Энэтхэг, ОХУ-тай хоёр талт, хамтарсан
цэргийн бэлтгэл хийдэг. Энэ уламжлалын дагуу ОХУ-тай цэргийн хээрийн бэлтгэлийг
ирэх сард хийнэ. Дадлага сургалтад оролцох ОХУ-ын цэргийн бие бүрэлдэхүүний
зарим нь Монголд иржээ.
Жил бүр
болдог дадлага сургалтыг ОХУ, Монголд ээлжлэн зохион байгуулдаг аж. Өнгөрсөн
онд ОХУ-д болох хуваарьтай байсан ч цар тахлын улмаас сургалтыг явуулаагүй. Энэ
онд Ховд аймгийн нутаг дэвсгэрт болно. Харилцан туршлага солилцох зорилгоор
хамтарсан сургуулилт зохион байгуулдаг байна.
ОХУ-Украины
дайн үргэлжилж буй өнөө үед ОХУ-тай хамтарсан бэлтгэл хийснээр манай улс эдийн
засгийн хоригт орох гэх мэт эрсдэл бий, эсэх талаар ЗХЖШ-аас тодруулахад
"Тийм зүйл байхгүй" гэсэн мэдээллийг өгсөн билээ.
2020 онд
ОХУ-тай хамтран хийсэн хээрийн сургуулилт Дорнод аймагт болжээ.
БНХАУ-ын Гадаад хэргийн сайд Ван И манай
улсад ирэх сард айлчилна. Айлчлалтай холбоотойгоор Гадаад харилцааны сайд
Б.Батцэцэг Засгийн газрын өнөөдрийн хуралдааны үеэр товч мэдээлэл
өглөө.
Тэрбээр, энэ удаагийн айлчлалын үеэр Монгол Улс, БНХАУ-ын
Иж бүрэн түншлэлийн харилцаагаа бэхжүүлэх, хоёр орны эдийн засаг, хилийн боомтын
талаар хэлэлцэхийг мэдэгдэв. Харин БНХАУ-ын Гадаад хэргийн сайд Ван
И-гийн айлчлалын товыг хэлэх боломжгүй, улс улсын холбогдох талууд тохирч байж
зарладаг учиртайг хэлэв.
Тэрбээр энэ үеэр Монгол Улсын Ерөнхий сайд
Л.Оюун-Эрдэнийн Сингапурт хийсэн айлчлал үр дүнтэй болсныг онцолж, айлчлалын
хүрээнд дөрвөн санамж бичигт гарын үсэг зурсныг тодотгов.
Түүнчлэн хилийн боомтуудад үүссэн асуудлууд
шийдвэрлэгдэж, хэвийн горимд шилжсэн талаар мэдээллээ.
Сэтгэгдэл үлдээх