Apple компани энэ хаврын шинэ бүтээгдэхүүн танилцуулах арга хэмжээгээ “Peak performance” нэрийн дор Мягмар гарагт зохион байгуулахаар болсон байна.
Арга хэмжээний зарлалдаа компанийн логог олон өнгөөр солонгоруулж дүрсэлснээс харвал шинэ бүтээгдэхүүний өнгийг илэрхийлж байж магадгүй юм.
Эх сурвалжуудын мэдээлснээр Apple энэ удаа хямд үнэтэй iPhone загвараа танилцуулж магадгүй гэнэ.
iPhone SE гэж нэрлэгдэх шинэ загвар нь 5G сүлжээ, өндөр хурдтай A15 CPU чип, сайжруулсан камераар тоноглогдсон байх төлөвтэй байна.
Бас 5G сүлжээ, шинэ CPU чиптэй шинэ iPad Air загварыг Apple танилцуулж магадгүй байгааг судлаачид мэдээлжээ.
Эдгээрээс гадна амны хаалттай царайг таних чадвартай болсон Face ID бүхий iOS 15.4 хувилбарыг зах зээлд нэвтрүүлэх байх гэсэн хүлээлт хүмүүсийн дунд үүсээд байна.
Эх сурвалж: The Verge
Сэтгэгдэл үлдээх