Манай улс АНУ, ХБНГУ, Энэтхэг, ОХУ-тай хоёр талт, хамтарсан цэргийн бэлтгэл хийдэг. Энэ уламжлалын дагуу ОХУ-тай цэргийн хээрийн бэлтгэлийг ирэх сард хийнэ. Дадлага сургалтад оролцох ОХУ-ын цэргийн бие бүрэлдэхүүний зарим нь Монголд иржээ.
Жил бүр болдог дадлага сургалтыг ОХУ, Монголд ээлжлэн зохион байгуулдаг аж. Өнгөрсөн онд ОХУ-д болох хуваарьтай байсан ч цар тахлын улмаас сургалтыг явуулаагүй. Энэ онд Ховд аймгийн нутаг дэвсгэрт болно. Харилцан туршлага солилцох зорилгоор хамтарсан сургуулилт зохион байгуулдаг байна.
ОХУ-Украины дайн үргэлжилж буй өнөө үед ОХУ-тай хамтарсан бэлтгэл хийснээр манай улс эдийн засгийн хоригт орох гэх мэт эрсдэл бий, эсэх талаар ЗХЖШ-аас тодруулахад "Тийм зүйл байхгүй" гэв.
2020 онд ОХУ-тай хамтран хийсэн хээрийн сургуулилт Дорнод аймагт болжээ.
Сэтгэгдэл үлдээх