loader
Монголын хөлбөмбөгийн шигшээ баг түүхэн хожил байгуулав

Монголын хөлбөмбөгийн шигшээ баг түүхэн хожил байгуулав

Ази тивийн аварга шалгаруулах тэмцээний урьдчилсан шатны эцсийн шатанд шалгарсан Монголын шигшээ В хэсгийн сүүлийн тоглолтоо дэлхийн чансааны 151 дүгээрт эрэмбэлэгдсэн Йемен улсын шигшээ багтай хийж 2:0-ээр хожлоо.


Энэ шатны тоглолтын Монголын шигшээ багийн анхны гоол, анхны оноогоо удаан хүлээсэнгүй авч чадлаа. Энэ шатны сүүлийн тоглолтынхоо эхний хэсгийн 9 дэх минутад Европ тивд мэргэжлийн хөлбөмбөгчинөөр тоглодог Г.Ганбаяр оруулж багтаа тэргүүллийг авчирлаа. Гоёмсог хаалтуудаараа хөгжөөн дэмжигчдийн хайрыг татаж чадсан хаалгач Э.Мөнх-Эрдэнэ эхний гоолын дамжуулалтыг өгсөн гэдгийг дурдахгүй байхын аргагүй.


Нэгдүгээр үеийг тэргүүлж дуусгасан манай залуус шийдвэрлэх хагаст давамгайллаа улам бүр баталгаажуулж гоолын тоог 53 дахь минутад 2:0 болгов. Шигшээ багийн ахлагч Х.Цэнд-Аюуш чөлөөт цохилтоос баруун жигүүрийн хамгаалагч О.Оюунбаатарын толгойд дамжуулахад, О.Оюунбаатар торгуулийн талбайд унагаж өгснийг Г.Ганбаяр найдвартай төгсгөж гоол хийсэн юм.


Үлдсэн хугацаанд шигшээ багийн залуус хамгаалалтдаа нягт байж энэ үр дүнгээ хамгаалж чадлаа. Энэ удаагийн түүхэн хожил нь Монголын шигшээ багийн Азийн АШТ-ий урьдчилсан шатны 3 дугаар шатанд байгуулсан анхны хожил төдийгүй анхны хаалгаа хуурай манасан тохиолдол болж байгаа юм байна.


Гайхалтай тоглолтуудаар хөгжөөн дэмжигчдээ баясгаж, Монголын шигшээ баг ямар хүчирхэг вэ гэдгийг тивдээ харуулсан шигшээ багийнхаа залууст дараа дараагийн тэмцээнд нь монголчууд амжилт хүсч байна.


Монголын шигшээ баг анх удаа Азийн АШТ-ий урьдчилсан шатны эцсийн шатанд оролцож, гайхалтай тоглолтуудыг үзүүлж Дэлхийн чансааны 100-д багтдаг Палестин, 133-д эрэмбэлэгддэг Филиппины багуудад тэнцэхэд тун ойрхон байсан ч сүүлийн мөчид ганц хожигдсон билээ.


Харин дэлхийн чансааны 151 дүгээр байрт эрэмбэлэгддэг Йемен улсын шигшээ багийг 2:0-ээр буулган авахад хөгжөөн дэмжигчдийн уухайн түрлэг шигшээ багийн залууст ямагт хүч болж байсныг багийн залуус болон МХБХ-ны хамт олон онцолж байв. 





foto
Нийтлэгч:

Сэтгэгдэл үлдээх

Холбоотой мэдээ

ТҮС # ТАС

Үндэсний их баяр наадмын өдрүүдэд дуу цахилгаантай аадар бороо орно

2022 оны долдугаар сарын 07-ноос 07 дугаар сарын 13-ныг хүртэлх цаг агаарын урьдчилсан төлөвийг хүргэж байна.Долдугаар сарын 7-ны өдрийн байдлаар Сэлэнгэ мөрөн Хялгант баг орчимд болон Хөвсгөлийн уулс

Урианхай, Тува түмний соёлын өвийн өдрүүд болно

https://www.facebook.com/watch/?v=1686512761715212Монголын язгуурын овог, аймгуудын нэг Урианхай, Тува түмний соёлын өвийн өдрүүд энэ сарын 25, 26-нд Баян-Өлгий аймгийн Толбо сумын нутаг Толбо нуурын

Улаанбаатар хотод 2023 оноос скүүтэр түрээсийн үйлчилгээг нэвтрүүлнэ

Улаанбаатар хотын төвлөрлийг сааруулах, түгжрэлийг бууруулах арга хэмжээний хүрээнд төр, хувийн хэвшил хамтран скүүтэр түрээсийн үйлчилгээг 2023 оны хавраас нэвтрүүлэх гэж байна. Үүнтэй холбогдуулан Н