Беларусь улс энэ оны 6, 7 дугаар сард Украин, ОХУ-тай хиллэдэг Гомель мужид цэргийн дайчилгааны сургуулилт хийнэ гэж тус улсын төрийн мэдээллийн БелТА агентлаг даваа гарагт мэдээлэв.
"Цэргийн төлөвлөгөөт сургуулилтыг энэ оны 6-р сарын 22-ноос 7-р сарын 1-ний хооронд хийх ба сургуулилтын зорилго байлдааны хийгээд дайчилгааны бэлэн байдлыг нэмэгдүүлэх, цэргийн албан хаагчид болон иргэдийн цэргийн ажиллагааны мэдлэг, дадлага, ур чадварыг дээшлүүлэхэд оршино",- гэж Гомель мужийн цэргийн комиссар Андрей Кривоносов БелТА агентлагт өгсөн ярилцлагадаа тэмдэглэсэн байна.
Мөн 5-р сарын 26-нд Беларусь улсын Ерөнхийлөгч Александр Лукашенко тус улсын Украинтай хиллэдэг мужуудад цэргийн шинэ анги нэгтгэл байгуулах тушаал гаргажээ.
Их сурвалж: Бел Та
Сэтгэгдэл үлдээх