Технологийн шинжээч Мин Чи Куогийн мэдээлснээр Apple-ийн Mixed Reality төхөөрөмжийг сэлбэг нийлүүлэлт болон программ хангамжийн асуудлаас болж ирэх намар танилцуулах магадлал өндөр байна.
Бэлтгэн нийлүүлэлтийн асуудлаас хамааран Apple уг төхөөрөмжийг "Worldwide Developers Conference 2023"-ын үеэр танилцуулах магадлал бага байна. Бүтээгдэхүүний тээвэрлэлтийн үйл ажиллагаа 2023 оны хоёрдугаар улирлаас гуравдугаар улирал руу шилжиж байгаа тул iPhone 15-ын хамт танилцуулах магадлалтай ажээ.
Apple компани анхны Apple Watch, 2019 оны Mac Pro болон Pro XDR дэлгэцийг урьдчилан танилцуулаад, хэсэг хугацааны дараа борлуулалтад гаргасан жишээтэй.
Түүнчлэн программ хөгжүүлэгч нарт шинэ төхөөрөмжид зориулсан аппликэйшн хөгжүүлэх хугацаа хэрэгтэй тул олон нийтэд борлуулахаас өмнө урьдчилан танилцуулах нь Apple-ийн хувьд зөв арга байх талтай.
Mixed Reality төхөөрөмж нь Виртуал бодит байдал буюу Virtual Reality болон Баяжуулсан бодит байдал буюу Augmented Reality-ийг хослуулсан дээд зэрэглэлийн төхөөрөмж байх бөгөөд одоогийн байдлаар 3,000 ам.долларын үнэтэй гэсэн таамагтай бий.
Сэтгэгдэл үлдээх