“Planet Today” цахим хуудас ойрын үед газар хөдлөх өндөр магадлалтай улсаар Италийг нэрлэжээ.
Шинжлэх ухаан одоогоор газар хөдлөлтийг урьдчилан мэдэх хэмжээнд хүрээгүй ч шалтгааныг нь мэддэг болсон тул магадлалаар тодорхойлж ирсэн. Тодруулбал, тектоник хавтангуудын мөргөлдөөнөөс газар хөдлөлт үүсдэг бөгөөд Турк улс нь Анатолийн, Арабын, Африкийн гэсэн гурван хавтангийн нийлбэрт оршдог учир газар хөдлөлт их болдог юм.
Тэгвэл Туркийн газар хөдлөлийн шалтгаан болсон хавтангийн мөргөлдөөн Африкийн тектоник хавтангийн суултад нөлөөлбөл Евразийн тектоник хавтантай харилцан нөлөөлж, улмаар газар хөдлөх магадлалыг бий болгох гэнэ.
Итали нь угаас газар хөдлөлийн хамгийн идэвхтэй газруудын нэг бөгөөд жилд 2000 орчим удаа газар хөдөлдөг байна.
Гэхдээ газар хөдлөлийн хамгийн идэвхтэй бүс нь Турк, Италийн аль ч биш, Зүүн Өмнөд Ази, Шинэ Зеланд, Өмнөд Америкийн зүүн хэсгийг хамарсан “Галт цагариг” гэж нэрлэгддэг бүс юм. Дэлхий дээр жилд болдог газар хөдлөлтийн 80-90 хувь нь энэ бүс нутагт ногддог ажээ.
Сэтгэгдэл үлдээх