Өнгөрсөн 24 цагт Онцгой байдлын байгууллагад гал түймрийн долоон дуудлага ирсэн байна.
Онцолбол, Сонгинохайрхан дүүргийн 21 хороонд ачааны автомашин дээр тээвэрлэж явсан өвс шатаж байна гэсэн дуудлагыг хоёрдуаар сарын 07-ны өдрийн 03:21 цагт хүлээн авсан.
Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн алба хаагч очиход Сэлэнгэ аймгийн Хушаат сумаас Улаанбаатар хотын чиглэлд иргэн М-ын жолоодож явсан “Хово” загварын ачааны автомашин дээр тээвэрлэж явсан 10 тонн боодлын өвсөнд уугилт явагдаж байсныг 3 цаг 20 минут ажиллан автомашинаас буулгажээ.
Сэтгэгдэл үлдээх