Турк улсад энэ сарын 20-нд мэргэжлийн дугуйн "Grand prix Develi" тэмцээн болоход Монголын дугуйчин С.Жамбалжамц түрүүлж, UCI 40 оноо авлаа. Тэрбээр маргааш өдөр нь "Grand prix Cappadocia" тэмцээнд дөрөвдүгээр байрт орсон бөгөөд 20 оноо нэмж авснаар чансааны 171 дүгээр байрт эрэмбэлэгдэж, ази тивдээ хоёрдугаар байрт жагсаж байна. Монголын дугуйн холбоо өдгөө 991 оноотой Азид хоёрдугаар байрт, дэлхийд 34 дүгээр байрт орж ирлээ. С.Жамбалжамцын дараагийн тэмцээн энэ сарын 24-29-нд болох мэргэжлийн дугуйн олон өдрийн уралдаан байх бол ирэх сард Австри улсад болох ДАШТ хүлээн байгаа юм.
Сэтгэгдэл үлдээх