Боловсрол, шинжлэх ухааны сайд Л.Энх-Амгалан салбарын талаарх зарим мэдээллийг өглөө.
Тэрбээр "Монгол Улсын засаг захиргаа, нутаг дэвсгэрийн нэгжийн тухай хууль хэрэгжиж эхэлснээс хойш аймаг, сум, дүүргийн сургуулийн засварын ажил тухайн харьяалагдах нэгж нь хариуцдаг болсон.
Энэ жил нийслэл, орон нутгийн ерөнхий боловсролын сургуулиудын их засварт зарцуулах 10 тэрбум орчим төгрөгийг шилжүүлээд байна. Ингэхдээ хүүхдийн эрүүл мэндэд харшлахгүй, сөрөг нөлөөгүй будгаар будаж, засварлаж байна уу гэдгийг мэргэжлийн хяналтын байгууллагатай хамтран хичээл эхлэхээс өмнө шалгана" гэлээ.
Мөн тэрбээр "Одоогоор 140 мянга орчим иргэн тоон гарын үсэгтэй болсон ба тэд бүгд төрийн и-мэйл хаягтай болоод байна. Нэг үгээр энэ нь төр иргэнтэй харьцах цахим шуудангийн хаяг юм. Үүгээрээ дамжуулж төрийн үйлчилгээ авах, хандах шинэ боломж бий болсон гэсэн үг. Тэгэхээр заавал 11-11 дугаарт холбогдож санал хүсэлт, гомдол хэлэх биш и-мэйлээр дамжуулж явуулж болно" гэдгийг хэллээ.
Сэтгэгдэл үлдээх