Олон улс болон улсын чанартай авто зам ашигласны төлбөрийг цахимаар авах туршилтын ажил улсын хэмжээнд үргэлжилж байна. Монгол Улсын хэмжээнд энэ төрлийн төлбөр авах 28 цэг байдаг. Үүнээс Улаанбаатар хот орчимд Эмээлт, Налайх-Тэрэлж, Хоолт, Түргэний гүүрийн төлбөр авах цэгүүдэд автозамын төлбөрийг цахимаар төлөх боломж бүрджээ.
Төлбөрийг цахимаар төлөх боломж бүрдүүлснээр цаг хэмнэх, төлбөр авах цэгт үүсдэг түгжрэлийг бууруулах давуу талтай.
Цахим төлбөрийн хэрэгслийг сонгохын тулд жолооч нар и-баримт, social pay, monpay зэрэг аппликейшний аль нэгийг сонгож, тээврийнхээ хэрэгслийн улсын дугаарыг бүртгүүлснээр цахим үйлчилгээг хялбархан авч болно хэмээн ЗТХЯ-наас мэдээлэв.
- И-баримт аппликейшн татах: iOS https://apps.apple.com/us/app/ebarimt/id1071510270
Android https://play.google.com/store/apps/details?id=mn.mta.vatps
- Monpay аппликейшн татах: https://monpay.mn/app.html
- Socialpay аппликейшн татах: https://digital.golomtbank.com/product/
Сэтгэгдэл үлдээх