Ирэх долоо хоногт сар шинийн баяр тохиож буйтай холбоотойгоор хичээл, сургуулийн хуваарьт өөрчлөлт оруулах тухай Боловсрол, шинжлэх ухааны сайдын тушаал гарсан.
Тушаалын дагуу маргааш ерөнхий боловсролын сургуулийн сурагчид битүүний буюу хоёрдугаар сарын 20-ны даваа гарагийн хичээлээ үзэх юм.
- Мөн шинийн 5-ны өдөр буюу хоёрдугаар сарын 24-ний баасан гарагийн хичээлийг гуравдугаар сарын 4-ний өдөр шилжүүлсэн.
- Түүнчлэн мэргэжлийн боловсрол, сургалтын байгууллага болон их, дээд сургуулиуд энэ сарын 20, 24-ний өдрийн лекц, семинарын хичээлийг цахимаар үзэхээр болсон.
Харин лабораторийн болон дадлагын хичээлүүдийг багшийн цагийн ачааллыг зохицуулан гуравдугаар сард нөхөхийг сургуулиудад чиглэл болгосон юм.
Сэтгэгдэл үлдээх