Засгийн газрын өнөөдрийн хуралдаанд ЗТХ-ийн Л.Халтар БНХАУ руу хийх агаарын тээврийн нислэгийг сэргээх тухай асуудлыг танилцуулжээ.
Тэрбээр, Цар тахлын улмаас 2020 оны нэгдүгээр сарын 27-ноос эхлэн Монгол БНХАУ-ын хооронд зорчигч тээврийн агаарын харилцаа зогссон. Манай ЭСЯ-наас Хятадын зохих газруудтай нь ярилцаад, Хятадын Шанхай, Бээжингээс бусад хот руу Монгол Улсын агаарын тээврийн компаниуд долоо хоногт нэг удаа нислэг хийх зөвшөөрөл ирсэн. Бид судалж үзээд:
- МИАТ компани 7 хоногт нэг удаа Гуанжоу хот руу
- Хөх хот руу Аэро Монголиа компани нислэг хийнэ.
Нэг долоо хоногт нь Монголын, дараагийн долоо хоногт Хятадын компани нислэг хийх зохицуулалт хийхээр боллоо. Өөрөөр хэлбэл, Монголын компани 14 хоногт нэг удаа ниснэ гэсэн үг. Нарийн хуваарийг ГХЯ-наас Хятадын талтай дипломат шугамаар тохиролцон гаргана.
-Нислэг хийх шийдвэр гарсан учир ГХЯ-наас Хятадын Гадаад харилцааны яаманд хандаж Монгол Улсаас очиж байгаа иргэдэд тусгаарлалтын ямар горим үйлчлэхийг тодорхой болгож, 6-р сарын 1-нээс өмнө зарлах болно.
Сэтгэгдэл үлдээх