Хүүхэд харах үйлчилгээний төв байгуулах хүсэлтэй, хүүхэд харах үйлчилгээний тухай хууль тогтоомжийн шаардлагыг хангасан иргэний боловсруулсан төслийг хэрэгжих үндэслэлийг харгалзан шалгаруулж, 10 хүртэлх сая төгрөгийн эргэн төлөгдөх нөхцөлтэй санхүүгийн дэмжлэгийг 36 сарын хугацаатайгаар нэг удаа олгохоор болжээ.
Төслийг 2022 оны есдүгээр сарын 9-30-ны өдрийг хүртэл Нийслэлийн Хөдөлмөр, Халамжийн Газарт хүлээн авах юм байна.
Эмэгтэйчүүдийн хөдөлмөр эрхлэлтийг дэмжих уг хөтөлбөрт дараах иргэн аж ахуйн нэгж, байгууллага хамрагдана.
- Ажилгүй эмэгтэйчүүд
- Гэртээ бага насны хүүхдээ асран хүмүүжүүлж буй, эмэгтэйчүүд
- Хөгжлийн бэрхшээлтэй эмэгтэйчүүд
- Хувиараа хөдөлмөр эрхэлж буй эмэгтэйчүүд
- Жирэмсэн, хөхүүл хүүхэдтэй эмэгтэйчүүд
- Өрхийн орлогоо нэмэгдүүлэх хүсэлтэй эмэгтэй
Ажиллах хүчнээс гадуур байгаа эмэгтэйчүүдийг хөдөлмөр эрхлэхэд тулгарч буй бэрхшээлийг арилгаж, тэдэнд болон гэртээ удаан хугацаагаар хүүхдээ харж буй бага насны хүүхэдтэй ээжүүдийг дэмжлэгт хамруулах замаар тэдний орлогыг нэмэгдүүлэх хүрээнд тус арга хэмжээг зохион байгуулж байгаа аж.
Сэтгэгдэл үлдээх