Үндэсний эрх чөлөө, тусгаар тогтнолоо сэргээсний 111 жилийн ой арванхоёрдугаар сарын 29-ний Пүрэв гарагт тохиож, бүх нийтээрээ амарна.
111 жилийн өмнө монголчууд Манж Чин Улсын харьяанаас бүрэн гарч, тусгаар үндэстэн болохоо зарлан тунхаглажээ.
1911 оны арванхоёрдугаар сарын 29-нд Богд Жавзандамба хутагтыг хаан ширээнд залж, түүнд төрийн тамга, далбаа, өргөмжлөл, хүндэтгэлийг өргөж, таван яам бүхий Засгийн газрыг байгуулах шийдвэр гаргасан түүхтэй.
Олноо өргөгдсөн Монгол Улс
- Гадаад хэргийг эрхлэн шийтгэх яамны Чин ван Ханддорж,
- Цэргийн яамны Эрдэнэ далай ван Гомбосүрэн,
- Сангийн яамны Түшээ гүн Чагдаржав,
- Шүүх яамны Эрдэнэ ван Намсрай,
- Дотоод явдлын яамны Да лам Цэрэнчимэд нарын сайдтайгаар байгуулагдав. Монгол Улсын анхны Ерөнхий сайдаар Сайн Ноён хан Намнансүрэнг тавьж байв.
Монгол Улсын Ерөнхийлөгч Н.Энхбаяр “Үндэсний эрх чөлөөний хувьсгалын 100 жилийн ой”-г тэмдэглэх тухай зарлиг 2008 онд гаргаснаар улс даяараа энэ өдрийг тэмдэглэн өнгөрүүлдэг болсон юм.
Сэтгэгдэл үлдээх