Идэр сум “Сарлаг” брэндийг сумынхаа брэнд бүтээгдэхүүнээр зарласан. Тус сумын брэнд бүтээгдэхүүнийг үйлдвэрлэгч “Анхил дөрвөн баатар” ХХК нь Улиастайд болсон “Хөдөлмөр эрхлэлт-ажлын байр" хөдөлмөрийн өдөрлөгт амжилттай оролцжээ.
Идэр сум нь 2021 оны жилийн эцсийн мал тооллогоор 12.8 мянган толгой үхэр тоолуулж аймагтаа тавдугаар байрт оржээ. Ихэвчлэн сарлаг үхрийн сүрэгтэй. Тиймээс сарлагийн сүүнээс үйлдвэрийн аргаар гаргасан бүтээгдэхүүнээ багц болгон худалдаанд гаргаад буй.
Мөн “Сарлаг” багцын сав баглаа боодлын сонгон шалгаруулалтыг явуулж, шалгарсан иргэнд сум хөгжүүлэх сангаас 10.0 сая төгрөгийн дэмжлэг үзүүлжээ.
Түүнчлэн Идэр сум мал сүргийн бүтцийг сайжруулах чиглэлээр хэд хэдэн үйл ажиллагааг явуулсан. Тухайлбал, “Гэгээн нутаг арвин сүрэг” ХХК-тай хамтран аймгийн цөм сүргээс 43 хуц, 30 ухна худалдан авч малчдад сүргийн бүтцийг сайжруулахаар тарааж өгөөд байна. Ингээд 900 сарлагт үзлэг ангилалт хийснээр суманд цөм сүрэгтэй болоод байгаа. Мөн мал хөнгөлөх дэвшилтэт технологи болох битүү засах аргыг ч нэвтрүүлээд байгаа тухай Идэр сумын ЗДТГ-аас мэдээлэв.
Эх сурвалж: Завхан/МОНЦАМЭ/
Сэтгэгдэл үлдээх