Өнөөдөр /2023.1.18/ 12 цагаас Төв талбай дээр "Хүүхдийн мөнгийг Хүүхэд бүрт" жагсаал хийх гэж байна.
"Айлын хүүхдүүдийг алагчилгүй мөнгийг нь өг" гэх үндсэн шаардлагатай уг жагсаалыг улс төрч Ц.Оюунгэрэл зохион байгуулж байгаа аж.
Жагсаалын үеэр, хулгай дээрмийг зогсоох, чадваргүй, өндөр орлоготой төрийн албан хаагчдыг цөөлөх зэрэг асуудлыг хөндөх юм байна.
Энэ тухайгаа Ц.Оюунгэрэл "Сурталчлаад байсан @E-Mongolia нь ямар юм байсныг бүгд харлаа үзлээ. АТГ-д өгдөг хөрөнгө оруулгын мэдүүлгээр нь хөөгөөд үзэхэд ямар ч бичиг үсгийн чадваргүй дэд сайд, тэр хэдэн мэргэжилтэнгүүдийг ажлаас нь чөлөөлөхөд л 300 орчим сая төгрөг сулраад гарах юм байна лээ шүү. Энэ чинь ойролцоогоор 250 хүүхдэд өгөх мөнгө" хэмээн нийтэлжээ.
Сэтгэгдэл үлдээх