Нүүрсний олборлолт, тээвэрлэлт, экспорттой холбоотой асуудлаарх ерөнхий хяналтын сонсгол маргааш буюу арванхоёрдугаар сарын 21-ний 10.00 цагт эхэлнэ. Нээлттэй сонсголд ажиглагчаар оролцох хүсэлтэй иргэдийг өнөөдөр 17.30 цаг хүртэл бүртгэх юм байна.
Бүртгүүлэх хүсэлтэй иргэд овог, нэр регистрийн дугаар, оршин суугаа газрын буюу шуудангийн хаяг, гарын үсэг, холбогдох утасны дугаарыг бичсэн хүсэлтээ бичгээр болон sonsgol@parliment.mn цахим шуудан руу илгээх аж.
Маргаашийн нээлттэй сонсголд ямар, ямар хүмүүс оролцохоор бүртгүүлээд буйг УИХ-ын тамгын газраас тодрууллаа.
Ингэхэд "Нээлттэй сонсголд оролцооч гэсэн мэдэгдлийг
- 40 гаруй байгууллага руу
- Мэргэжлийн 11 холбоо руу явуулсан.
Өнөө өглөөний байдлаар 167 иргэн ажиглагчаар оролцох хүсэлтээ ирүүлээд байна. Мөн хэвлэл мэдээллийн 13 байгууллага сурвалжлахаар хүсэлтээ өгсөн.
УИХ-ын гишүүд 40 гаруй байгууллагаас ирсэн албан тушаалтнуудаас асуулт асууна. Харин мэргэжлийн холбооныхон үг хэлэх болон санал дүгнэлтээ хэлэх хүсэлтэй бол сонсгол болохоос хоёр хоногийн өмнө бүртгүүлэхээр байсан" хэмээв.
Сэтгэгдэл үлдээх