Хоёр иргэнийг унтаж байхад нь байрны цонхоор орж ирээд, гар утас болон бусад хүнс, гэр ахуйн бараа бүхий 2.7 сая төгрөгийн эд зүйлсийг хулгайлсан хэрэг гарчээ.
Тодруулбал, 2022.07.04-ний шөнө Хөвсгөл аймгийн Мөрөн суманд байрны онгорхой цонхоор иргэн Э нь орж ирээд, М, Т нарын iPhone Xr болон iPhone 12 Pro Max загварын гар утсыг хулгайлжээ. Түүнчлэн найман ширхэг “Ноншим” савтай гоймон, нойтон салфетка, ариун цэврийн хэрэгсэл, барааны саван зэргийг авсан байна. Улмаар хүч хэрэглэлгүй, шунахайн сэдлээр бусдын эд зүйлсийг хулгайлсан хэрэгт холбогдсон байна.
Хохирогч М, Т нар нь байр түрээсэлж байжээ. Харин долдугаар сарын 5-ны өглөө сэрэхэд гар утас нь байхгүй байсан тул цагдаад хандсан байна. Харин шүүгдэгч Э нь тухайн үед согтууруулах ундаа ч хэрэглэсэн байсан нь тогтоогджээ. Мөн гар утаснуудыг хямд үнээр зарсан байна. Ингэхдээ "Би нууц үгээ мартаад хэрэглэж чадахгүй байгаа" хэмээсэн байгаа юм.
Түүнд нэг жил хорих ял оноосон байна.
Сэтгэгдэл үлдээх