“Номин” сүлжээ дэлгүүрийг 6,9 тэрбум төгрөгөөр торгосон талаар ШӨХТГ-аас өнөөдөр мэдээллээ. Тодруулбал “Оргил супермаркетад 3650 төгрөгөөр борлуулагдаж байгаа ундаа Номн сүлжээ дэлгүүрт 3900 төгрөгийн үнэтэй байна гэх гомдлыг нэгэн иргэн тус дэлгүүрт хүргүүлжээ. Гэтэл “Номин” сүлжээ дэлгүүрээс Оргил худалдааны төв рүү холбогдож, үнийг нь өсгөсөн байна. Өөрөөр хэлбэл, Номин сүлжээ дэлгүүр бусад дэлгүүрийн доод үнийг тогтоож байгааг шалгалтаар тогтоожээ. Мөн Номин сүлжээ дэлгүүрээр дамжсан барааны үнэ цаашлаад 30 хувиар нэмэгдэх гэрээтэй байдгийг нь илрүүлсэн байна.
Улмаар ШӨХТГ-аас тус асуудлаар хяналт шалгалт хийж, өрсөлдөөнийг хязгаарлахад чиглэсэн бараа бүтээгдэхүүний хэлцэн тогтоох гэрээ, хэлцэл байгуулсан гэж үзэн Зөрчлийн тухай хуульд заасны дагуу өмнөх орны борлуулалтын орлогын 6 хувьтай тэнцэх хэмжээний төгрөгөөр буюу 6,9 тэрбум төгрөгөөр торгожээ.
Сэтгэгдэл үлдээх