Өдөр тутам юунаас ч юм шалтгаалан сэтгэл түгшиж, дарамт, стресс, уур уцаар, бухимдал ядаргааг мэдэрдэг үү? Тэгвэл шинэ оны эхний өдрөөс эхлэн өдөр тутмын дараах энгийн хялбархан дадлуудыг хэрэгжүүлээрэй. Эрүүл сэтгэл зүй гэдэг яг л эрүүл бие шиг чухал юм шүү. Энэ жилийг өдөр тутмын энгийн дадлуудаар өөрчилж, өөрийгөө бүтээгээрэй.
#1 Өдрийн цагаар 30-90 минут дугхийх
Хүүхдүүд л дугхийх хэрэгтэй гэж боддог уу? Бүх насныхан өдрийн цагаар 30-90 минут дугхийх нь үр бүтээмжийг нэмэгдүүлэхээс гадна санаа сэтгэлийг саруултгах болно.
#2 Хайртай хүнээ тэврэх
Судалгаагаар хайртай хүнээ өдөр бүр тэвэрдэг хүн сэтгэл гутралд өртөх магадлал багасдаг аж. Тэврэлдэхэд сэтгэл тайтгарч, зүрхний шигдээсээр өвчлөх эрсдэл ч буурах болно.
#3 Гартаа мөс атгах
Гартаа хүйтэн мөс атгах нь сэтгэл түгшүүрийг арилгах сонирхолтой арга юм. Мөс атгах нь богино хугацаанд хүйтэнд анхаарал татан, бага багаар сэтгэлийн түгшүүрийг багасгадаг аж.
#4 Өдөр бүр 10 минут алхах
Өдөрт 10 минут салхилан алхах нь 45 минутын дасгал хийсэнтэй адил сэтгэлийн түгшүүрийг намжаан, сэтгэл санааг өргөх ид шидтэй юм.
#5 Инээмсэглэх
Инээмсэглэх үед хүний бие аз жаргалтай мэдрэмжээр цэнэглэгддэг. Тиймээс боломж л гарвал инээмсэглэж байгаарай.
#6 Өглөө ороо хураах
Өглөө бүр босмогцоо ороо хураах нь сэтгэл санааг өргөн, үр бүтээлтэй мэдрэмж төрүүлэх болно.
#7 Унтахаасаа 30 минутын өмнө утаснаасаа холдох
Утсаа харсаар унтах нь биеийг бүрэн амрааж чадахгүй. Хангалттай хугацаанд унтаж амарсан ч тархи бүрэн амрахгүй тул унтахаасаа 30 минутын өмнө утсаа холдуулахаа мартуузай.
#8 Ширээгээ цэгцлэх
Өдөрт 10 минут зарцуулан ширээгээ цэгцэлж байгаарай. Бяцхан ч хамаагүй цэгцтэй цэвэрхэн мэдрэмж сэтгэлийн түгшүүрийг намжаадаг юм шүү.
#9 Шувуудын жиргээг сонсох
Өдөрт зургаахан минут л өглөөний шувуудын жиргээг сонсох нь сэтгэл санааг гайхалтай сэргэг сэрээх болно.
Сэтгэгдэл үлдээх