Дорноговь аймгийн Ардчилсан намын гишүүд, ардчиллыг дэмжигч иргэдтэй уулзлаа.
Ирж яваа цагийн залуус олноор цуглаж, идэвхтэй оролцсонд талархал илэрхийлье. Тэр хэрээр аймгийн залуучуудын оролцоо шийдвэр гаргах түвшинд өндөр байгаа гэдэгт итгэлтэй байна.
Би бээр Дорноговь аймагт 40 гаруй удаа ирсэн байдаг.
Дийлэнхдээ авто зам, төмөр замын бүтээн байгуулалтын ажлаар ирж, буцсаар энэ аймгийн аж байдлыг сайтар мэдэх болсон билээ.
Энэ ташрамд Дорноговь аймагт өрнөсөн их бүтээн байгуулалтад гар бие оролцсон Зэвсэгт хүчний нийт анги, бүрэлдэхүүнд Монгол цэргийн өдрийн мэндийг хүргэе.
Та бүхэн энхийн цагт эх орныхоо томоохон бүтээн байгуулалтыг гардан гүйцэтгэсэн нь улс эх орныхоо эдийн засгийн аюулгүй байдлыг батлан хамгаалахад оруулсан гавьяа юм шүү!
Цаашид ч Монгол Улс аливаа улсаас эдийн засгийн хараат бус үйлдвэрлэгч орон болох зорилгоо тасралтгүй гүйцэлдүүлэх ёстой. Эл зорилгын төлөө би дахин улс төрийн тавцанд гарч ирсэн бөгөөд Ардчилсан нам одоо хэр нь ард түмний жинхэнэ төлөөлөл хэвээр гэдгийг батлан харуулахыг зорьж буй юм.
Өнөөгийн улс төрийн байдал нь намын эрх ашиг нэгт тавигдаж, улс орны асуудал хойш шидэгдсэн, нэг намын тогтголцоонд шилжээд байна.
Мөнхүү нийт иргэдийн 44 хувийн санал авсан Монгол Ардын нам УИХ-д хэт олонхыг бүрдүүлсэн нь Ардчилсан нам болоод бусад улс төрийн хүчнүүд хүчээ нэгтгэвэл иргэдийн жинхэнэ дуу хоолой, төлөөлөл болно гэдэг нь хэн бүхнээ ойлгомжтой билээ.
Гагцхүү Ардчилсан намд эв нэгдэл хэрэгтэй тул тамга, тэмдэгний асуудлыг нэн тэргүүнд шийдэж, Ардчилсан нам гэлтгүй ардчилсан үзэл санааг дэмждэг хэн бүхнийг нэгтгэн 2024 оны сонгуульд ялалт байгуулах гэсэн маш энгийн зорилго тээж байна.
2017 оны Ерөнхийлөгчийн сонгуулиар ижил үзэл бодолтой намуудыг нэгтгэж “Монгол ялна” гэсэн уриатайгаар 65 суудалтай МАН-ын эсрэг эвлэлдэн нэгдэж чадсан гэдгийг Та бүхэн санаж байгаа...
Сэтгэгдэл үлдээх