Их Британийн мэдрэл судлаачид хүний тархийг хамгийн ихээр амрааж, сонсмогц тайвширч, стресс намжаах шилдэг дууг судлан, эцэст нь "Marconi Union" хамтлагийн "Weightless" дуу хамгийн шилдэг буюу стрессийг 65 хувиар бууруулдаг болохыг нь баталжээ. Ижил төрлийн дуунуудтай харьцуулахад "Weightless" нь 11 хувиар илүү тайвшруулах үр дүнтэй байжээ.
8 минутын урт энэхүү үггүй хөгжим нь үнэхээр л тайвшруулах шидтэй тул жолооч нарыг машин барихдаа сонсохгүй байхыг зөвлөсөн гэнэ. Дууны хэмнэл цохилт бага багаар багасахтай зэрэгцэн хүний зүрхний цохилт ч аажим аажмаар намжин тайвширч, цусны даралт буурч, дууны төгсгөлд нойр хүрэх өндөр магадлалтайг онцолжээ. Энэхүү аялгуу нь дахин дахин давтагдах хэсэггүй тул тархи бага багаар дасан зохицож, дараагийн аялгууг таамаглан ачаалахаа болих аж.
Дууны "ид шид"-ийг бүрэн мэдрэхийн тулд сонсогчийг тухтай сууж, биеэ суллан гүнзгий амьсгалахыг зөвлөжээ.
Сэтгэгдэл үлдээх