Улаанбаатар, нэгдүгээр сарын 18-ны өдөр болох үйл явдлууд:
09.00 цагт: Төрийн ордонд Монгол Улсын Хөгжлийн банкнаас санхүүжүүлсэн төсөл, хөтөлбөрийн хэрэгжилт, үр дүн, зээл олголт, эргэн төлөлтийн явцын талаар Хянан шалгах үүрэг бүхий түр хорооны нотлох баримтыг шинжлэн судлах сонсгол 3 дахь өдрөө үргэлжилнэ.
09.00 цагт: “Холидэй Инн” зочид буудалд Хүүхдийг ивээх сан, Нийслэлийн Боловсролын газар, “Хөөрхөн Зүрх” ТББ-тай хамтран "Охидыг хүчирхийлэл, мөлжлөгөөс хамгаалах нь" төслийн хүрээнд 2023 оныг дуустал зохион байгуулах Хүүхэд хамгааллын чадавхжуулах сургалтын нээлтийн үйл ажиллагаа болно. Утас: 9909-2295.
10.00 цагт: УИХ-ын Байнгын хороодын хуралдаантай.
10.00 цагт: Улсын ерөнхий прокурорын газар (УЕПГ)-аас зохион байгуулдаг ээлжит хэвлэлийн бага хурал болж, прокурорын байгууллагаас 2022 онд хүний эрхийн талаар зөрчигдсөн эрхийг сэргээх, байгууллагын үйлчилгээг иргэдэд хүргэх чиглэлээр хийсэн ажлыг танилцуулна. Мөн Нийслэлийн прокурорын газраас хяналт тавьсан зарим гэмт хэргийн шийдвэрлэлт, явц байдлын талаар мэдээлнэ. Утас: 9010-1020.
12.00 цагт: Замын хөдөлгөөний удирдлагын төвөөс нийслэлийн Зайсан тойруугийн гудамж замын хөдөлгөөний зохион байгуулалтад нэгдүгээр сарын 21-нээс өөрчлөлт оруулан нэг чигийн урсгалд оруулахаар болсон талаар мэдээлнэ. Утас: 9910-9134.
-АН-ын Үндэсний бодлогын хороо (ҮБХ)-ноос гаргасан журмын дагуу тус намын даргад нэр дэвшигч нарыг бүртгэнэ.
Сэтгэгдэл үлдээх