Нэгдсэн Үндэстний Байгууллагын Ерөнхий Ассамблейгаас дэлхийн эдийн засаг, нийгмийн тогтвортой хөгжилд бичил, жижиг, дунд үйлдвэр эрхлэгчдийн оруулж буй хувь нэмрийг олон нийтэд сурталчлан таниулах, дэмжих зорилгоор жил бүрийн зургаадугаар сарын 27-ны өдрийг “Дэлхийн жижиг, дунд үйлдвэрийн өдөр” болгон тэмдэглэн өнгөрүүлдэг.
Арга хэмжээнд нийслэл болон 21 аймгийн жижиг, дунд үйлдвэр эрхлэгчид, жижиг, дунд үйлдвэр, хоршоог дэмжих чиглэлээр үйл ажиллагаа явуулдаг төрийн болон төрийн бус байгууллагууд, олон улсын төсөл хөтөлбөрүүд, мэргэжлийн зөвлөх үйлчилгээний байгууллагууд оролцож, үйл ажиллагаагаа танилцуулан бүтээгдэхүүн үйлчилгээгээ олон нийтэд хүргэнэ.
Мөн үзэсгэлэн худалдаанд оролцогчдоос түрээсийн төлбөр авахгүй бөгөөд оролцогчдын бүртгэл дараах байдлаар явагдана.
• Орон нутгаас оролцогчид тухайн аймгийн Хүнс, хөдөө аж ахуйн газарт бүртгүүлнэ.
• Нийслэлд үйл ажиллагаа явуулдаг жижиг, дунд үйлдвэр эрхлэгчид Нийслэлийн Жижиг, дунд үйлдвэр, үйлчилгээг дэмжих төв НӨҮГ-т бүртгүүлнэ.
Жижиг, дунд үйлдвэр эрхлэгчид, хоршоод болон холбогдох байгууллагуудыг өргөнөөр оролцохыг урьж байна.
Сэтгэгдэл үлдээх