Өнөөдрийн Засгийн газрын ээлжит хуралдаанаар ХНХ-ын сайд Т.Аюурсайханы хүсэлтийг хэлэлцэнэ. Тодруулбал, тэрбээр УИХ-ын дарга, Ерөнхий сайдад албан тушаалаас чөлөөлөгдөх хүсэлтээ гаргасан билээ.
Тэрбээр, Улсын Их Хурлын нэр бүхий гишүүний зүгээс намайг “нүүрсний” гэх хэрэгт нэр холбогдуулж мэдээлэл хийснээс үүдэн нэр хүндийг унагахад зохион байгуулалттай үйл ажиллагаа явуулж буй асуудлыг цэгцэлж шалгуулах үүднээс ийм шийдвэр гаргасан гэв.
Түүнийг АТГ-ын саналын дагуу прокурорын байгууллага яллагдагчаар татаад байгаа юм. Мөн түүнтэй холбоотойгоор хэд хэдэн хүнийг цагдан хорьж саатуулсан.
АТГ-аас "Нүүрсний хулгай" гэх акцийн хүрээнд Эрүүгийн хэрэг үүсгэн шалгагдаж буй гэх 17 хүний нэрс дунд өмнө нь "Эрхэт Монгол" группийн Ерөнхийлөгч Х.Мандахбаярыг зарласан. Харин Т.Аюурсайхан сайдын тухайд ЭТТ-н Гүйцэтгэх захирал асан Б.Ганхуягтай ойр харилцаатай, тус компаниас саатуулагдсан Ж.Отгонбаатар түүний туслахаар ажиллаж байсан зэрэг шалтгаанаар зайлшгүй шалгагдах ёстой хүмүүсийн нэгээр нэрлэгдэж буй.
Сэтгэгдэл үлдээх