Нийслэлийн Сүхбаатар дүүрэг эмэгтэйчүүдийн баярт зориулж 900,100,000 төгрөгийн тендер зарлажээ. Тодруулбал, олон улсын эмэгтэйчүүдийн өдрийг тохиолдуулан дүүргийн алдарт эхийн одонтой эхчүүдэд хүндэтгэл үзүүлэх арга хэмжээнд зориулан бэлгийн багц худалдан авах юм байна. Уг тендерийг шалгаруулалтыг 2023 оны хоёрдугаар сарын 13-ны өдөр зохион байгуулах аж.
Мөн тус дүүргийн засаг дарга Х.Болормаа 1,360,400,000 төгрөгийн бэлэгний тендер зарлаж шалгаруулсан тухай бид өмнө нь мэдээлсэн. Тодруулбал, тус дүүргийн 1-20 дугаар хорооны цагаан сарын хүндэтгэлийн арга хэмжээ зохион байгуулахаар энэхүү тендерийг зарласан байна. Тухайлбал энэхүү арга хэмжээнд зориулж 17,900 ширхэг дээд гурил, цагаан будаа, суурь еэвэн тус тус авахаар тусгажээ.
Сэтгэгдэл үлдээх