УИХ-ын пүрэв гарагийн чуулган үргэлжилж байна. Өнөөдөр /2023.01.05/-ийн хуралдаанаар Хөрөнгө оруулалтын банкны тухай хуулийн төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийж байна. Энэхүү хуулийн төслийг УИХ-ын гишүүн Б.Жавхлан нарын 18 гишүүн 2016.12.28-ны өдөр өргөн мэдүүлсэн юм.
УИХ-ын гишүүд хэлэлцүүлгийн үеэр дараах байр суурийг илэрхийлж байна
УИХ-ын гишүүн Ц.Цэрэнпунцаг: Гишүүдээ энэ хуулийн төслийг жаахан дэмжээд өгмөөр байна. Дэмжихгүй байгаа гишүүд банкны лоббинд ороод байдаг юм биш биз. Энэ хууль банкны салбарт өрсөлдөөн оруулж ирэх юм. Хувь хүмүүс хэрэглээнийхээ зээлийг, бизнесүүд богино хугацааныхаа зээлийг арилжааны банкнуудаас авах, тэр их үүсвэр суларч гарч ирэх, давуу талууд үүсэх юм. Яг хууль яригдаад ирэхээр банкны холбоо гээд банкнууд орж ирээд асуудал үүсгээд, гацаадаг байсан юм билээ. Банкны талд хэн нь үйлчлээд байгаа нь санал өгч байгаагаас харагдах байх.
УИХ-ын гишүүн Т.Доржханд: Өнөөдөр Монгол Улсын гадна оочерлоод, хөрөнгө оруулалт хийе гэсэн банк байхгүй. Хязгаарласан, боомилсон байдлаар хандаж болохгүй ээ. Эдийн засаг тэлэх гурван суваг л байгаа. Нэгт, экспортоо нэмэгдүүлэх. Хоёрт, зээл авах. Гуравт, гаднын хөрөнгө оруулалт. Санхүүгийн хөрөнгө оруулалт оруулж ирэх замаа л бид нээхгүй бол, эдийн засаг тэлэхгүй. Санхүүгийн салбарын, банкны салбарын либералчлал гэдэг юмыг хөрөнгө оруулалтын банкаараа бид хийх ёстой юм.
Сэтгэгдэл үлдээх