CU конвиниенс дэлгүүр тус хот руу нэвтэрч байгаатай холбогдуулан компанийн Гүйцэтгэх захирал Г.Чинзориг, Дархан-Уул аймгийн сумын засаг дарга Т.Тулгаа нар Хамтын ажиллагааны санамж бичигт гарын үсэг зурж, Дархан хотод ажлын байр бий болгох, бүс нутгийн бизнес эрхлэгч, үйлдвэрлэгч нарыг дэмжих, үйлчилгээний стандарт хэвшүүлэх болон хотын соёлыг дэлгэрүүлэх чиглэлд хамтран ажиллахаар болов.
Нээлтийн үеэр Сэнтрал Экспресс Си Ви Эс ХК-ийн Гүйцэтгэх захирал Г.Чинзориг: “Орчин үеийн хотын соёлын салшгүй хэсэг болсон конвиниенс дэлгүүрийн бүтээгдэхүүн үйлчилгээг Дархан хотын хэрэглэгчдэдээ хүргэх болсондоо туйлын баяртай байна. CU дэлгүүр нээгдсэнээр зөвхөн ая тухтай үйлчилгээ бий болоод зогсохгүй ажлын байр, хүнсний аюулгүй байдал, үйлчилгээний соёл нэмэгдэж, шинэ тутам гарсан бүтээгдэхүүнийг цаг алдалгүй худалдан авах боломж нээгдлээ” гэв.
CU конвиниенс дэлгүүр Дархан хотод нээгдсэнээр 400 гаруй нийлүүлэгч, үйлдвэрлэгчийн бараа бүтээгдэхүүнийг цаг алдалгүй түргэн шуурхай авах боломжтой болохоос гадна оюутан залуус чөлөөт цагаараа цагийн ажил хийж олон улсын томоохон брэндийн туршлагаас суралцах боломжтой болж байна.
Нээлтийн үйл ажиллагаанд ирсэн үйлчлүүлэгч бүрийг халуун кофегоор дайлан өөр бусад олон төрлийн онцгой урамшууллыг Дархан хотын хэрэгдэгчдэдээ зориулан зарлажээ.
CU Дархан салбар нь Дархан үйлчилгээний төвийн 1 давхарт байрлах бөгөөд өдөр бүр 24 цагаар ажиллана. Хэрэглэгч та CU-н хоолны үйлдвэрээс өдөр бүр ирэх амтат шинэхэн хоол, жинхэнэ үрийн GET брэндийн кофе болон бүх төрлийн уух зүйлс, бүх хэрэгцээг нэг дор цогцлоосон бүтээгдэхүүн үйлчилгээг түргэн шуурхай авч ая тухтай үйлчлүүлээрэй.
Сэтгэгдэл үлдээх